أحوال شخصية

أحوال شخصية

مساء الخير، من فضلك عندي سؤال ، أنا والدتي مطلقة طلقة بائنة، لأسباب كتير منها إسائته ليها، وانه بخيل، ومكانش موفرلنا حتى مسكن مناسب، رغم انه مقتدر. واحنا تلات ولاد كلنا كبار، أصغر واحدة فينا ١٨ سنة، السؤال: ابويا مطالب بإيه ناحيتنا وناحية أمي؟ مع العلم ان احنا طبعا عايشين معاها عشان ظروف المسكن. من غير طبعا اللجوء لأي دعاوي أو الكلام ده، عايزة مجرد أعرف حقوقنا ايه.

الإجابات

yehia medhat

yehia medhat

حقوقها:

١مؤخر الصداق كامل.    

٢السكنى طوال فترة العدة

٣نفقة العدة، وتُحدد باتفاق الطرفين أو يحددها القاضى، وهى تختلف باختلاف حال المطلِّق من حيث اليسر والإعسار.

٤– نفقة المتعة لو الطلاق بدون رضاها ولابسبب منها

٥– الحضانة حتى ١٥ سنة ثم يخير القاضي الصغير او الصغيرة

المادة ١٧، ١٨ مكررا، ثانياً، ثالثاً، ٢٠ 

من قانون رقم ٢٥ لسنة ١٩٢٩

لا ضرر عليكم في هذة الحالة.

  • هل كانت هذه الإجابات مفيدة؟
Mahmoud zakaria محمود ذكريا

Mahmoud zakaria محمود ذكريا

في حالة وقوع الطلاق بين الزوجين بيكون في شوية حقوق و التزامات علي الزوج زي انه لازم يدفع المؤخر (لو كان مكتوب في القسيمة مؤخر ) و نفقة عدة و دي 3 شهور يعني لو مثلا واحدة بتحتاج نفقة شهرية مثلا 1000 جنيه بيكون نفقة العدة 3000 جنيه و ده طبعا حسب دخل الزوج
كمان لازم يدفع نفقة متعة و دي بتكون مبلغ بيتحسب على اساس عدد سنين الزواج لكن ملوش قاعدة ثابتة و عموما أقل حاجة فيه ان الراجل بيدفع للمرأة علي الاقل نفقة سنتين و ممكن يبقى اكتر حسب سنين الزواج وحسب دخل الراجل و قدرته المادية
كمان عليه التزام انه يصرف علي ولاده نفقة اكل و شرب و لبس و مدارس و علاج حسب برضه دخله و النفقة دي مستمره لحد ما الولد يتخرج ولحد ما البنت تتزوج
والله أعلى و أعلم

  • هل كانت هذه الإجابات مفيدة؟