حقوق النشر
من سبع شهور بدأت كتابة مع مجلة ناشئة، ولأن صاحب المجلة كانت صديقة وبثق فيها بدأنا الشغل مع بعض وكنت بعمل كل حاجة، بكتب كل محتوي المجلة وبعمل تعديل وتحرير للمحتوي اللي مش بكتبه بنفسي، وكنت مدير السوشيال ميديا. خلال السبع شهور دول مكانتش المجلة بتدخل أرباح أوي فمكنتش بقبض أي فلوس وكان دايماً بيتقالي أني هاخد تعويض كامل علي الشهور اللي اشتغلتها دي اول ما الارباح تيجي وكمان هاخد وظيفة كمحرر في المجلة. المجلة بدأت تعمل أرباح وفجأة أنا اتطردت من كل حاجة في المجلة وقلولي ملكش عندنا حاجة. السؤال: هل ليا أي حقوق قانونية اقدر اطالب بيها؟